Ekipi shqiptar BLINK tashmë ka siguruar vendin për në Play-Off të ligës ESEA Advanced, ku do të garojnë, gjithsej, 32 skuadra nga Evropa.
BLINK ka siguruar vendin pasi garuan për tre muaj rresht në ligën ESEA Advanced, me ekipe të shumta të Evropës.
Tani ekipi BLINK është në garë për t’u kualifikuar në ligën tjetër ESL Challenger League, ku bëjnë pjesë shumë ekipe të mira evropiane.
Gjithashtu, 32 ekipet do të garojnë për një grup çmimesh prej 20 mijë dollarësh, dhe për 8 ekipet më të mira në ligën Esea Advanced.
Ndeshjen e parë të Play-Off ekipi BLINK do ta zhvillojë të enjten, duke filluar nga ora 16:00, kundër ekipit Apeks.
Kjo ndeshje do të zhvillohet në formatin ‘Bo3’, por edhe në rast se humb ekipi shqiptar do të kalojë në ‘Lower Bracket’, dhe do të ketë ende mundësi për t’u kualifikuar tutje.
Ndeshja me shumë gjasa do të transmetohet në kanalin zyrtar të ekipit BLINK në platformën Twitch.
Lojtarët e ekipit BLINK janë: Kujtim ‘gulito’ Durmishi, Ahmet ‘2high’ Baftijari, Bledar ‘BledarD’ Dula, Ensar ‘Caleyy’ Ersuzi, Valon ‘vAloN’ Etemi, Babjet ‘Malware’ Muçaj (Trajneri).
Esea Advanced është liga e dytë më e mirë e platformës ESEA, dhe secili ekip do të luajë rreth 16 ndeshje në sezon të rregullt, për të vazhduar me ndeshjet e “play-off”, ku ekipi i parë shkon në ligën tjetër “ESL Challenger League S42”, ndërsa tri ekipe të tjera shkojnë në “ECL S41 Relegation”. /PORTALI D