Qytetarët po përballen me pritje deri në 20 minuta për të hyrë në Kosovë nëpërmjet pikës kufitare te Dheu i Bardhë.
Sipas njoftimit të së dielës nga Qendra Kombëtare për Menaxhim Kufitar, kolona në këtë pikë kufitare është 70 metra e gjatë.
Ndërkohë, në Merdarë nuk ka pritje të gjata, vetëm deri në 10-20 minuta.
Në përditësimin e fundit të Qendrës Kombëtare për Menaxhim Kufitar, të bërë në ora 15:47, vlen të theksohet se nuk ka pritje të gjata për të hyrë në Kosovë në të gjitha pikat kufitare.
Rreth 30 minuta zgjat dalja nga pika kufitare në Dheu i Bardhë dhe kolona rreth 200 metra.
Në pikat e tjera kufitare, koha e pritjes është nga 3 deri në 5 minuta.
Edhe gjatë ditëve paraprake, ka pasur kolona në këto pika kufitare.