Policia e Kosovës ka njoftuar se janë arrestuar dy vëllezërit nga Peja, të cilët ishin shpallur në kërkim para disa ditësh.
Sipas njoftimit të policisë, Adem ( i lindur më 1998) dhe Besnik Bulliqi (i lindur më 1993), ishin në kërkim për veprën penale “Vrasje e rëndë e mbetur në tentativë”, që kishte ndodhur më 13 korrik në Pejë.
“Ju informojmë se me datë 01.08.2024 rreth orës 19:30, hetuesit e sektorit rajonal për hetime DRP –Pejë, pas një pune intensive operativo-hetimore kanë arritur ta lokalizojnë vendqëndrimin e personave të dyshuar, të cilët kanë qenë në kërkim për veprën penale ‘Vrasje e rëndë e mbetur në tentativë’, e ndodhur me datë 12.07.2024, në Pejë”, thuhet në njoftim.
Të dyshuarit janë intervistuar në prani të avokatit mbrojtës dhe pas intervistimit me urdhër të prokurorit të shtetit u është caktuar masa e ndalimit për 48 orë.