Kryeministri i Kosovës, Albin Kurti, ka akuzuar presidentin e Serbisë, Aleksandar Vuçiq, për përhapje të pretendimeve të rrejshme me qëllim të krijimit të frikës dhe reagimit nga KFOR-i në Mitrovicë.
Sipas Kurtit, deklaratat e fundit të Vuçiqit se shqiptarët do të mblidhen tek Ura e Ibrit janë të pavërteta dhe synojnë të tensionojnë situatën.
Në një postim në rrjetin social “X”, Kurti ka theksuar se pretendimet e rrejshme të Vuçiqit janë shpeshherë pararendëse të sulmeve të planifikuara nga Serbia.
“Me pretendimet e rreme se shqiptarët po marshojnë mbi urë, presidenti i Serbisë Aleksandar Vuçiq synon të krijojë një atmosferë frike dhe të shkaktojë një reagim nga KFOR-i në Mitrovicë, duke kërcënuar se nëse ata nuk përgjigjen, Serbia do të përgjigjet. Asnjë shqiptar nuk po marshon mbi urë, siç pretendon ai rrejshëm. Të gjitha planet për hapjen e urës kanë synuar të nxisin ndërveprimin paqësor midis dy komuniteteve. Megjithatë, këto akuza të rreme janë shpesh një pararendës i një sulmi të planifikuar nga Serbia. Për sigurinë e të gjithëve, ata nuk duhet dhe nuk do të lejohen të hyjnë në territorin tonë”, ka shkruar Kurti.
With false allegations that Albanians are marching over the bridge, Serbia’s President Aleksandar Vucic aims to create an atmosphere of fear and elicit a reaction from KFOR in Mitrovica, threatening that if they do not respond, Serbia will.
No Albanians are marching over the…
— Albin Kurti (@albinkurti) August 6, 2024
Teksa Vuçiqi ka thënë se pret nga KFOR-i që ta kontrollojë situatën nesër tek Ura e Ibrit, pasi pritet të ketë “organizim të një kundërtubimi me urdhër të Kurtit” si kundërpërgjigje ndaj tubimit serb në anën tjetër të urës.
Protesta e serbëve është paralajmëruar të fillojë në orën 11:00 dhe është përshkruar nga mediat serbe si një “protestë paqësore dhe demokratike” kundër hapjes së Urës së Ibrit.