I pari i Francës, Presidenti Emanuel Macron nëpërmjet një postimi në Twitter, ka shprehur gatishmërinë, për të mbështetur Ukrainën, në mënyrë ushtarake, ekonomike dhe humanitare.
Ai ka thënë se nuk do të mungojë mbështetja franceze për popullin ukrainas.
“Për sa kohë të jetë e nevojshme, derisa paqja të kthehet në një Ukrainë të lirë dhe të pavarur, ne do të mbetemi të përkushtuar. Mbështetje humanitare, ekonomike dhe ushtarake për t’u mundësuar ushtarëve ukrainas të bëjnë ndryshimin në terren kundër sulmeve të ushtrisë ruse, deklaroi Macron.
Këtë postim e bëri Macron, gjatë vizitës që po bën ai në Ukrainë, bashkë me kancelarin gjerman Olaf Scholz dhe kryeministrin itralian Mario Draghi.
I rrethuar nga kancelari Olaf Scholz i Gjermanisë dhe kryeministrin e Italisë, Mario Draghi, udhëheqësi francez ka pozicionuar veten si bashkëbisedues qendror i Evropës me Presidentin e Rusisë, Vladimir Putin, në përpjekje për t’i dhënë fund luftës. Ai ka thënë se të tre kishin ardhur të flasin si për të tashmen ashtu edhe për të ardhmen, sepse sipas tij, dihet që javët e ardhshme do të jenë shumë të vështira.
Udhëheqësit e Gjermanisë, Francës dhe Italisë takohen me Zelenskyy në Kiev