Ramë Lahaj, solisti shqiptar me famë ndërkombëtare, ka njoftuar se festivali “RLIOF” do të mbahet në Prishtinë nga 21-31 korrik.
Në një postim në Facebook, Lahaj ka njoftuar se kjo periudhë e vitit për t’u mbajtur festivali “RLIOF” është zgjedhur për shkak të mërgatës.
“Të dashtun miq e adhurues të artit muzikor, me kënaqesi të madhe ju njoftoj që këtë vit festivali RLIOF vjen me edicionin e tij të dytë me shumë befasi, duke filluar nga muzika e bukur shqipe, për të vazhduar me atë që ne konsiderojmë shumë të rëndësishme për edukimin mbi këndimin e brezave të rinj e në karrierë”, ka shkruar Lahaj në postim.
Solisti Ramë Lahaj ka thënë se në këtë festival do të marrin pjesë artistët e dalluar shqiptarë dhe do të shoqërohen nga yjet e skenës botërore.