Jeta Statovci, Deputetja e Vetëvendosjes nga Lista Guxo ka thënë se koalicioni qeverisës mes “Guxo” dhe “Vetëvendosjes” është stabil.
Jeta Statovci ka thënë se ka mendime të ndryshme pas qëndrimit kundër deputetit Fatmir Humolli, për mospërfshirjen e veteranëve të luftës në projektligjin për Pagën Minimale.
“Për deputetin është çështje sensitive, por dje e patëm prezent. Secili nga ne kemi mendime por gjejmë konsensus dhe e tejkalojmë vetveten… Si grup parlamentar jemi divers. Koalicioni është stabil. Është koalicion i madh dhe stabil”, ka thënë Statovci.
“Kemi kryer disa punë që janë sensitive e të cilat nuk janë trajtuar për vite me radhë. Ato tani po jetësohen”, ka shtuar Statovci.