Policia e Kosovës ka njoftuar se ka arrestuar një person, si i dyshuar për kontrabandim të mallrave në Seqishtë të Hanit të Elezit.
Sipas njoftimit policor thuhet se 40 vjeçari, shofer i makinës kur ka vërejtur se është duke u pikasur nga patrulla e Policisë, ka tentuar të ikë në drejtim të Maqedonisë së Veriut, ka shkaktuar vetaksident me dëme materiale.
Policia njoftoi se ka tërhequr automjetin me targa të Maqedonisë së Veriut dhe gjatë kontrollimit të saj ka hasur në 120 palë këpucë si dhe 260 veshje.
Në njoftimin e PK-së thuhet se dyshohet se malli është tentuar të kontrabandohet nga territori i Republikës së Kosovës në territorin e Republikë së Maqedonisë së Veriut përmes rrugëve malore.
“Drejtuesi i automjetit, me iniciale (Z.A.) i moshës rreth 40 vjeçare M/SH/RMV me të vëne re se është pikasur nga patrullat policore kufitare, duke tentuar për t’u larguar (ik) në drejtim të territorit të RMV-se, ka shkaktuar vet aksident me dëme materiale.Policia ka tërhequr automjetin me targa të Maqedonisë së Veriut dhe gjatë kontrollit të automjetit është vërejtur se brenda tij kishte të ngarkuar:· 120 palë këpuce (patika)· 260 palë veshje (duksa dhe trenerka)”, thuhet në njoftim.