Policia e Kosovës ka arrestuar një person në Viti, kjo pasi i dyshuari ka tentuar që në mënyrë të paligjshme t’i pajisë me viza 58 persona nga shtetet afrikane.
Në raportin e policisë thuhet se, gjatë kontrollit nga i dyshuari në cilësi të provave materiale janë sekuestruar dy telefona celularë, një kompjuter, një USB, dokumente dhe kopje të ndryshme të pasaportave si dhe dëshmi të transaksioneve bankare.
“I dyshuari pas intervistimit me vendim të prokurorit është liruar në procedurë të rregullt.”