Kandidati për deputet nga Lidhja Demokratike e Kosovës (LDK), Kujtim Shala, deklaroi se Llapi në tërësi janë gati për një fitore të thellë të LDK-së në zgjedhjet e 9 shkurtit.
Shala e përshkroi situatën në Llap si një “kryengritje politike” kundër sjelljes së kryeministrit dhe pushtetit lokal të drejtuar nga Lëvizja Vetëvendosje.
Abdixhiku në Podujevë: Kosova në udhëkryq, zgjedhjet do të përcaktojnë të ardhmen e shtetit
“Në Podujeve ka një kryengritje politike. Për sjelljen e kryeministrin dhe pushtetin lokal të tij në Podujevë dhe për të mbështetur LDK-në.
Podujeva dhe Llapi në tersi është një nga zonat, kur ne të dielën dot ë fitojmë me diferencë shumë të madhe”, ka thënë Shala në Debat Plus.
Duke komentuar mbi fushatën e partive rivale, Shala tubimin i fundit të Lëvizjes Vetëvendosje në Prishtinë – që ishte përmbyllja e fushatës së tyre – e cilësoi si “kulmi i ulët” i përpjekjeve elektorale të kësaj partie.
“Nga ajo që mund të shohim mbështetje shumë të madhe se që i ka dhënë Vetëvendosjes e gjithë Kosova. Sepse tubimi ynë nënkupton vetëm Llapin, Lëvizja Vetëvendosje ka përmbyllur fushatën. Pra ky ka qenë tubimi qendror. Kulmi i fushatës. Që u dok një kulm i ulët”, ka shtuar Shala