Vëllezërit e ish-presidentit Hashim Thaçi kanë përfunduar vizitën e tyre te ai brenda hapësirave të EULEX-it në Fushë Kosovë, ku ai kaloi natën e mbrëmshme.
“Është mirë me shëndet, s’kemi të drejtë me folë”, tha shkurt vëllau i Thaçit, Gani Thaçi pasi që dolën të tre nga EULEX.
Aktualisht në vizitë në EULEX po qëndron gruaja e Thaçit, Lumnije Thaçi, e cila u pa në veturë duke hyrë në zyrat e EULEX në Fushë Kosovë.
Nga ana tjetër, fillojnë të mblidhen të rinjtë e PDK-së para zyrave të EULEX-it në Fushë Kosovë derisa ish Presidentin Hashim Thaçi po e vizitojnë brenda vëllezërit e tij.
