Kuvendi i Kosovës ka njoftuar edhe zyrtarisht për vazhdimin e seancës konstituive. Sipas njoftimit për media, seanca vazhdon të mbahet nga ora 10:00 në Sallën Plenare.
Ndërkohë, në seancën e të premtes ka dështuar për herë të gjashtë konstituimi i Kuvendit të Kosovës.
Njëkohësisht, nesër përfundon afati kushtetues prej 30 ditësh, pas certifikimit të rezultateve për formimin e institucioneve.
Në 48 orët e fundit, partitë nuk kanë paraqitur ndryshim qëndrimesh publikisht.
Seanca konstituive është obligim të mbahet çdo 48 orë pas ndërprerjes. Rrjedhimisht deputetët po mblidhen qe shtatë herë, që prej 15 prillit (çdo dy ditë).
Kuvendi konsiderohet i konstituuar pas zgjedhjes së kryeparlamentarit dhe nënkryetarëve.
Para ngërçit te emri i kryeparlamentarit, fillimisht pati bllokadë në kalimin e raportit të komisionit për verifikim mandatesh.