Ka dështuar për herë të dytë mbajtja e seancës së Kuvendit Komunal të Prishtinës, ku ishte paraparë të hidhej në shqyrtim publik drafti i Planit Zhvillimor Komunal (PZHK).
As në seancën e së martës nuk u arrit kuorumi i nevojshëm për të vazhduar punimet.
PDK dhe Lëvizja Vetëvendosje, nuk morën pjesë, duke e bojkotuar kështu edhe një herë procesin.
Kryetari Përparim Rama javën e kaluar ka theksuar se opozita e ka bllokuar Planin Zhvillimor Komunal që të dalë në konsultim publik.