Prokuroria Speciale e Kosovës ka njoftuar se pas hetimeve disa mujore, në bashkëpunim me Policinë e Kosovës dhe me asistencën e Agjencisë së Kosovës për Inteligjencë (AKI), ka arrestuar H.S., i dyshuar për veprën penale të spiunazhit.
Sipas njoftimit, me urdhër të gjykatës janë kryer bastisje në dy lokacione në Kosovë, ku janë sekuestruar prova materiale, përfshirë disa telefona që dyshohet se janë përdorur nga i dyshuari për kryerjen e veprës penale.
Prokuroria ka caktuar ndaj të dyshuarit masën e ndalimit prej 48 orësh dhe ka paralajmëruar ndërmarrjen e veprimeve të nevojshme hetimore për zhvillimin e procedurës penale.