Një aksident trafiku ka ndodhur pasditen e sotme në fshatin Novosellë të Pejës, ku një autobus që transportonte nxënës ka goditur dy fëmijë.
Lajmin e ka konfirmuar zëdhënësi i Policisë për Rajonin e Pejës, Fadil Gashi.
“Aksidenti ka ndodhur rreth orës 17:50 në Novosellë të Pejës. Një autobus që bartte nxënës ka goditur dy fëmijë,” ka thënë Gashi.
Ai ka bërë të ditur se fëmijët kanë pësuar lëndime, por janë jashtë rrezikut për jetë dhe po marrin trajtim në Spitalin Rajonal të Pejës.