Deputetët e Kuvendit të Kosovës kanë dështuar për herë të 16-të të konstituojnë Kuvendin, pasi refuzuan të krijojnë Komisionin e përkohshëm për organizimin e votimit të fshehtë për zgjedhjen e Kryetarit të Kuvendit.
Në vazhdimin e dhjetë të seancës konstituive, partitë opozitare – Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe Lista Serbe – sërish nuk propozuan asnjë përfaqësues për këtë Komision, duke pamundësuar zhvillimin e mëtejmë të procesit.
Edhe pse deputetët ishin të pranishëm në sallë, mospjesëmarrja e tyre në votim bëri që të mos arrihej korumi i nevojshëm për proceduar tutje. Si pasojë, Kryesuesi i seancës vendosi që ajo të shtyhet për 48 orë. Seanca e radhës do të mbahet të hënën, më 17 maj, në orën 10:00.
Kjo situatë vjen në të njëjtën ditë kur Presidentja e Kosovës, Vjosa Osmani, ka thirrur në takim të gjitha subjektet politike parlamentare, me qëllim zhbllokimin e Kuvendit dhe krijimin e institucioneve të reja.