Federata e Boksit e Kosovës do të marrë pjesë në garën prestigjioze ndërkombëtare “Kupa e Boksit – Eindhoven 2025”, e cila zhvillohet nga 5 deri më 10 qershor në qytetin Eindhoven të Holandës.
Përfaqësuesja e Kosovës do të përbëhet nga dy boksierë elitarë:
Donjeta Sadiku (60 kg), e cila do të udhëhiqet nga u.d. selektorja Marjola Sallauka, dhe Shpetim Bajoku (70 kg), nën drejtimin e selektorit Faton Xhakli.
Në këtë ngjarje, drejtësinë në ring do ta ndajë gjyqtari ndërkombëtar nga Kosova, Latif Demolli.
Federata e Boksit u ka uruar suksese dhe fat boksierëve tanë, duke shpresuar për paraqitje të denjë dhe rezultate pozitive për vendin.