Izmi Zeka, ish-zëvendësministri i Punëve të Brendshme, ka folur lidhur me festën e Vidovdanit në Kosovë dhe vendimin gjyqësor për moslejimin e përdorimit të flamurit serb në këtë “festë”.
Ai ka thënë se është mirë që është marrë ky vendim, sepse Vidovdani nuk është festë zyrtare në Kosovë.
“Moslejimi i flamujve e të tjera, mirë është që është marrë qëndrim”, ka thënë ai, duke shtuar se më e mira e të mirave do të ishte të mos lihej fare të mbahej.
“Sepse ato [festat] që s’janë në kalendar, realisht edhe nuk ka ndonjë obligim, edhe shteti i Kosovës, edhe për përkujdesje, edhe për gjëra të tjera”, ka thënë ai, duke shtuar se, duke e shikuar raportin Kosovë-Serbi, duhet të shikohen prej institucioneve të gjenden modele të tjera.
“Do të duhej që t’i jepej fund kësaj feste që po e mbajnë për Betejën e Kosovës. Është një festë që më së pari nuk u takon serbëve, nuk u takon atyre. Është në territorin e Kosovës dhe ajo betejë ka ndodhur në territorin e Kosovës, dhe nuk kemi kurrfarë obligimi ne si shtet që të përkujdesemi ose për mbarëvajtjen e tyre”, ka thënë ai.