Bashkimi Evropian ka njoftuar se nga dita e enjte do të pranojë certifikatat e vaksinimit, testimit dhe të shërimit, të cilat lëshohen nga autoritetet e Kosovës për COVID-19.
Zyra e BE-së ka shtuar se ky vendim vlen për të gjitha certifikatat e lëshuara nga Kosova që janë në përputhje me rregulloren e BE-së.
“Nga sot, BE-ja do të fillojë të pranojë certifikatat e vaksinimit, testit dhe shërimit të COVID-19 të lëshuara nga Kosova. Kjo vlen për të gjitha certifikatat e lëshuara në përputhje me rregulloren e BE-së 2021/953 të Parlamentit Evropian dhe Këshillit. BE-ja ka financuar zhvillimin e tyre”, thuhet në njoftim.
NEWS📣As of today, the 🇪🇺 will start accepting 🇽🇰-issued COVID-19 vaccination, test, and recovery certificates.
This applies to all🇽🇰certificates issued in accordance with the EU Regulation 2021/953 of the European Parliament and of the Council. The #EU funded their development.— European Union Kosovo (@EUKosovo) June 30, 2022
Në Kosovë ditëve të fundit është rritur numri i rasteve me COVID-19.
Ministria e Shëndetësisë në Kosovë, të enjten e 30 qershorit, ka raportuar 149 raste pozitive prej 786 mostrave të marra nga Shërbimi Spitalor Klinik dhe Universitar i Kosovës (ShSKUK).