Shefi i Grupit Parlamentar të AAK-së, Besnik Tahiri të enjten ka mbajtur një konferencë për media në lidhje me ligjin e pagave.
A i ka quajtur të pafalshme mosprocedimin e ligjit të pagave në Kuvendin e Kosovës, që ishte premtuar se do ta sillnin në fund të muajit mars.
Tahiri kishte vendosur një pankartë para foltores, në të cilën shkruante “Ku është Ligji i Pagave?”.
“ Ku është ligji i pagave? Ku jeni fshehur me këtë ligj. Ku është procesi i punës për finalizimin e Ligjit, pse na keni thënë se ligji bëhet në mars, a ka qenë në atë kohë vetëm sa pë t’i mashtruar shërbyesit civilë, sindikatat apo është pazotësi e juaj se, nuk dini ta bëni ligjin”, ka deklaruar Tahiri.
Shefi i grupit parlamentar të AAK-së, ka folur për deklaratat e Qeverisë së Kosovës, të cilat thonë se ka rritje ekonomike dhjetë për qind.
Tahiri ka theksuar se kjo rritje e ekonomisë ka ndodhur si pasojë e rritjes së çmimeve.
“A bën të na tregoni , pasi qenka rritur ekonomia 10% çka ka përfituar qytetari i këtij vendi? Dihet se është rritur ekonomia sepse janë rritur çmimet”, ka shtuar ai.
Ai ka folur edhe për mundësin e tërheqjes së mjeteve nga Trusti Pensional i Kosovës, duke thënë se e përkrahin këtë ide. Po ashtu, ka hedhur dyshime sic e ka quajtur, për mosfunksionalizimin e bordit të Autoritetit të Konkurencës, duke thënë se mund të ketë afera korruptive.