Forca e Sigurisë së Kosovës (FSK) është pajisur me autoblinda të reja të prokuruara në Shtetet e Bashkuara të Amerikës, në kuadër të bashkëpunimit të ngushtë mes dy vendeve.
Ceremonia e pranim-dorëzimit u zhvillua sot, ku morën pjesë kryeministri në detyrë Albin Kurti, ministri i Mbrojtjes Ejup Maqedonci, komandanti i FSK-së gjenerallejtënant Bashkim Jashari dhe atasheu ushtarak i SHBA-së në Kosovë, nënkolonel Jonathan Shaw.
Kryeministri Kurti e cilësoi këtë furnizim si “një dëshmi të partneritetit të palëkundur me SHBA-të” dhe “një hap të rëndësishëm në fuqizimin e kapaciteteve mbrojtëse të vendit”, ka shkruar Kurti në Facebook.
Ai theksoi se ushtria e Kosovës do të vazhdojë të zhvillohet krah për krah me partnerin strategjik amerikan, jo vetëm në aspektin e trajnimeve, por edhe të shkollimit dhe doktrinës, e cila bazohet në atë të ushtrisë së SHBA-ve.
