Presidenti i Shteteve të Bashkuara të Amerikës, Donald Trump, ka përfunduar fjalimin e tij para deputetëve në Parlamentin e Izraelit.
Trump, mes tjerash, në fjalim bëri thirrje për të mbështetur marrëdhëniet Amerikë-Izrael teksa u shpreh se e do shumë Izraelin dhe do të jetë pranë këtij shteti deri në fund, shkruan BBC, transmeton Dukagjini.
“Që nga dita e parë që u themelua Izraeli modern, ne kemi qëndruar së bashku në të mira dhe të këqija, në pengesa, në fitore dhe disfata, në lavdi dhe në dhembje. Ne kemi ndërtuar industri së bashku, kemi bërë zbulime së bashku, kemi përballuar të keqen së bashku dhe kemi zhvilluar luftë së bashku, dhe ndoshta më e bukura nga të gjitha, kemi bërë paqe së bashku. Dhe këtë javë, kundër të gjitha gjasave, ne kemi bërë të pamundurën dhe kemi sjellë pengjet në shtëpi”, tha Trump.
“E dua Izraelin, jam me ju deri në fund” ishte fjala e fundit e Trump në këtë fjalim që u prit me duartokitje të mëdha.