Një rast i dhunës në familje është raportuar të hënën në polici.
Në raportin 24-orësh të Policisë bëhet e ditur se nëna me tre fëmijët e saj, dy djem dhe vajza janë përfshirë në një përleshje fizike, njofton Dukagjini.
Policia bën të ditur se pas inicimit të rastit me vendim të Prokurorit, dy djemtë janë arrestuar dhe dërguar në mbajtje ndërsa nëna dhe vajza janë liruar.
“Është raportuar se pas një mosmarrëveshje janë përfshirë në një përleshje nëna së bashku me tre fëmijët e saj (dy djem dhe vajza). Pas inicimit të rastit me vendim të prokurorit dy të dyshuarit janë arrestuar dhe dërguar në mbajtje, ndërsa nëna dhe vajza janë liruar në procedurë të rregullt”, thuhet në njoftimin e policisë.