Një robot kinez ka hyrë në Librin e Rekordeve Guinness pasi ka përshkuar 100 kilometra për tre ditë rresht, duke vendosur rekordin për distancën më të gjatë të realizuar ndonjëherë në këmbë nga një robot.
AgiBot A2, me lartësi 1.69 metra dhe i ndërtuar për të ecur mbi dy këmbë, u nis nga qyteti Suzhou në Kinën lindore më 10 nëntor dhe përshkoi rrugë e autostrada deri më 13 nëntor, kur mbërriti në lagjen historike Bund të Shangait.
Sipas kompanisë AgiBot me seli në Shangai, roboti përshkoi një distancë totale prej 106,286 metrash pa ndalesa, duke kaluar mbi sipërfaqe të ndryshme dhe duke respektuar rregullat e trafikut gjatë gjithë rrugëtimit. Ky rekord u certifikua zyrtarisht të enjten.
AgiBot A2 është projektuar për detyra si shërbimi ndaj klientit, është i pajisur me funksion bisede dhe madje mund të lexojë buzët. Gjigantët globalë të teknologjisë po investojnë në zhvillimin e inteligjencës artificiale natyrore – teknologji që ndërthur ligje të fizikës me adaptimin në mjedisin real njerëzor.
Qeveria kineze po nxit kompanitë vendore të prodhojnë robotë të tillë, me synimin që Kina të pozicionohet si lider botëror në industrinë robotike.
.@AgiBot_zhiyuan‘s A2 humanoid has earned a Guinness World Records title for the longest distance walked by a humanoid robot.
The A2 humanoid completed a 106.286 km cross-provincial walk.
Learn more here: https://t.co/bkVfD0uZwB
Source: AgiBot#humanoid #humanoids pic.twitter.com/tYtkC730W1
— Humanoid Robotics Technology (@HumanoidRTech) November 24, 2025