Vetëvendosje në koalicion me tri parti për zgjedhjet e 28 dhjetorit

Lëvizja Vetëvendosje ka zyrtarizuar koalicionin parazgjedhor me tri parti të tjera, Partinë Guxo, Alternativën dhe Partinë Shqiptare Demokristiane.

Koalicioni do të garojë në zgjedhjet e parakohshme të 28 dhjetorit me emrin “Koalicioni Lëvizja VETËVENDOSJE!”.

Ky përditësim është bërë nga KQZ-ja në orën 20:30, vetëm pak orë para mbylljes së afatit për aplikim për certifikim të pjesëmarrjes dhe deklarimin e koalicioneve.

Përveç këtij koalicioni, më herët janë regjistruar edhe dy të tjerë. Koalicioni “PAI – PDAK – LPB”, i përbërë nga Partia e Ashkalinjëve për Integrim, Partia Demokratike e Ashkanlive të Kosovës dhe Lëvizja për Bashkëveprim; Koalicioni “Koalicija VAKAT”, i përbërë nga Demokratska Stranka Bošnjaka, Bošnjačka Stranka Kosova dhe Demokratska Stranka Vatan.

Ndërkaq, si parti të vetme deri tani janë regjistruar: LDK, PDK, Kosovaki Nevi Romani Partia, Jedinstvena Goranska Partija, Za Slobodu Pravdu i Opstanak, Kosova Demokratik Türk Partisi, Partia Liberale Egjiptiane, Partia Rome e Bashkuar e Kosovës, Socialdemokratska Unija (SDU), Srpska Lista, Iniciativa e Re Demokratike e Kosovës, Fjala, Nova Demokratska Stranka (NDS) dhe Lëvizja Përparimtare e Romëve të Kosovës (LPRK).

AAK dhe Nisma Socialdemokrate ende nuk janë regjistruar.

Subjektet politike kanë afat deri më 7 dhjetor për t’i dorëzuar listat e kandidatëve për deputetë.

16 subjekte dhe 2 koalicione aplikojnë për pjesëmarrje për zgjedhjet e 28 dhjetorit

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika