Kryesuesit e Premier League, Arsenal, janë ndalur në një barazim 1:1 nga Chelsea në “Stamford Bridge”, ndonëse vendasit luajtën për më shumë se një pjesë me një lojtar më pak.
Ndeshja nisi me shumë tension, duke prodhuar katër kartonë të verdhë brenda gjysmë ore.
Para pushimit, Moises Caicedo u përjashtua me karton të kuq pas një ndërhyrjeje të rëndë ndaj Mikel Merinos.
Chelsea befasoi në fillim të pjesës së dytë, kur Trevoh Chalobah realizoi me kokë nga një goditje këndi, duke i dhënë epërsinë skuadrës londineze.
Arsenal reagoi shpejt dhe pas 11 minutash arriti barazimin: Mikel Merino shënoi me kokë pas asistimit të Bukayo Sakas.
Me këtë rezultat, Arsenal mbetet në krye të tabelës me pesë pikë më shumë se Manchester City, ndërsa Chelsea renditet në vendin e tretë, vetëm një pikë prapa Cityt.