Një atentat me armë zjarri ka tronditur Elbasanin pasditen e së dielës, duke lënë të vrarë një biznesmen.
Sipas informacioneve paraprake, viktima është qëlluar ndërsa ndodhej brenda në automjetin e tij, pranë një karburanti që dyshohet se ishte në pronësi të tij.
Të shtënat kanë qenë fatale dhe ai ka ndërruar jetë në vendngjarje.
Forcat e Policisë së Elbasanit kanë mbërritur menjëherë në vend, duke rrethuar zonën dhe nisur hetimet për të zbardhur rrethanat e atentatit.
Në pamjet e siguruara nga Top Channel shihet momenti kur policia siguron perimetrin dhe largon qytetarët nga vendi i ngjarjes.
Ende nuk ka detaje mbi motivet apo autorët e dyshuar, ndërsa hetimet po vijojnë.