Policia e Kosovës në Gjilan ka njoftuar se po merret me rastin e Arianit Sllamnikut, qytetar nga Gjilani, i cili dyshohet se ka ofruar “ilaçe” për fëmijët me autizëm me pretendimin se i shëron, duke shkaktuar dëm financiar në vlerë mijëra euro.
“Mundë të ju konfirmojmë se në lidhje me rastin për të cilën keni pyet, ky rast është duke u trajtuar nga ana e policisë së Kosovës në koordinim të plotë me Prokurorinë e Shtetit dhe institucionet e tjera përkatëse. Për vazhimin e hetimeve lidhur me këtë rast do të ju njoftojm me kohë”, ka thënë për Dukagjinin zëdhënësi i Policisë për Rajonin e Gjilanit Ismet Hashani.
Ndërkohë, Ministria e Shëndetësisë ka reaguar ndaj rastit, duke iu bërë thirrje qytetarëve që t’u besojnë vetëm metodave të verifikuara shkencërisht dhe të mos bien pre e mashtrimeve.