Deputetja e Aleancës për Ardhmërinë e Kosovës (AAK), ka thënë se partia e saj nuk është kundër procesin e Vetingut, porse për këtë gjë sipas saj duhet të ketë një konsensus nga të gjitha partitë,
Ajo ka thënë se tashmë partia e saj, i ka paraqitur kërkesat e tyre për t’u miratuar ligji për Vetingun, nëse Qeveria e Kosovës nuk i merr parasysh, Bytyqi ka thënë se do të diskutojnë brenda partisë, për t’i ndërmarrë hapat e tjerë.
Kurse, për projektligjin për konfiskimin e pasurisë së paligjshme, Bytyqi ka thënë se ky proces duhet të kthehet në pikën zero, sepse sipas saj projektligji në formën aktuale i shkelë të drejtat themelore të njeriut.
Sipas, Bytyqit, Qeveria e Kosovës nuk po i interpreton si duhet vërejtjet e Komisionit të Venecias.
“Cdo proces i cili është në të mirën e vendit do ta përkrahim, por ky projektligj duhet të kthehet në pikën zero, duhet të funksionojnë dhe ta bëjnë punën si i ka hije dhe të mos politizohet, Qeveria Kurti po dëshiron që ky ligj t’i shërbejë atyre”, ka thënë ajo në emisionin “Five”, të Rtv Dukagjinit.
Bytyqi tutje ka thënë, se nëse nuk merret parasysh kërkesa e AAK-së, për t’i futur veteranët e luftës së UÇK-së, në ligjin për pagën minimale, nuk do të marrin pjesë në asnjë votim, madje as për marrëveshjet ndërkombëtare, e që nevojiten dy të tretat e votave të Kuvendit.