Kryeparlamentari Glauk Konjufca gjatë vizitës së tij në Bashkësinë Islame të Kosovës, (BIK), për nder të festës së Kurban Bajramit, e ka falënderuar myftiun Naim Tërnava për kontributin e tij dhe të BIK-ut, në forcimin e besimit te qytetarët e Kosovës, dhe për ndihëm që ky institucion iu bën skamnorëve.
Konjufca, ka thënë se kjo festë e lidh njeriun me krijuesin e tij.
“Është festë e rëndësishme, na kujton rëndësinë e besimit dhe lidhjen shpirtërore me Zotin, na frymëzon me këtë besim të sinqertë, sepse populli jonë ka kaluar në vështirësi, dhe prapë se prapë e ka mbajtur këtë besim. Falënderim i veçantë, që I rrini afër skamnorëve dhe njerëzve në nevojë, nuk janë të paktë në shoqërinë tonë, sepse jeta po bëhet e vështirë”, ka thënë ai.
Gjatë ditës së shtunë, BIK-u do të presë mysafirë deri në orën 12:00.