Kryeparlamentarja e Kosovës, Albulena Haxhiu, ka uruar sot të gjitha gratë në Ditën Ndërkombëtare të Gruas.
Haxhiu theksoi rëndësinë e pjesëmarrjes aktive të grave në të gjitha fushat e jetës publike teksa ka vlerësuar kontributin e tyre në shoqëri, njofton Dukagjini.
“Sot, në Ditën Ndërkombëtare të Gruas, nderojmë kontributin e grave në ndërtimin e një shoqërie më të drejtë, më të fortë dhe më të barabartë. Çdo arritje e grave është një hap përpara për shtetin dhe demokracinë tonë. Urime 8 Marsi!”, ka thënë Haxhiu në urimin e saj.