Fotografi i modës, Patrick Demachelier, ka vdekur të enjten në moshën 78 vjeçare, njoftuan përfaqësuesit e rrjetit të tij social Instagram: “Me pikëllim të madh njoftojmë vdekjen e Patrick Demachelier, më 31 mars 2022, në moshën 78 vjeçare”, thuhet në postim.
Demachelier la pas gruan Mia, djemtë Gustaf, Arthur, Victor dhe tre nipër e mbesa. Demachelier prodhoi kopertinën për numrin e dhjetorit 1991 të Vogue me Princeshën e Uellsit, Diana. Punoi për revistat: Rolling Stone, Elle, Harper’s Bazaar dhe ndihmoi në xhirimin e fushatave reklamuese për Carolina Herrera, Chanel, Dior, Tommy Hilfiger dhe Yves Saint Laurent.
Gjatë karrierës së tij, fotografoi figura të njohura si Beyonce, Jenifer Lopez dhe Madonna.
Në mesin e atyre që bënë homazhe ishte stilistja amerikane e modës Vera Wang e modele, duke përfshirë Bella Hadid, Cindy Crawford dhe Hailey Bieber.