Presidentja e Vjosa Osmani ka uruar regjisoren dhe aktoren nga Kosova, Luana Bajrami pasi filmi i saj “Two People Exchanging Saliva” fitoi çmimin për filmin më të mirë të shkurtër në ceremoninë e Academy Awards – Oscars.
Osmani, përmes një postimi në rrjetin social X, e përgëzoi Bajramin dhe të gjithë ekipin e filmit për këtë arritje të madhe.
Ajo ka shtuar se është krenare për këtë sukses të Bajramit, duke e cilësuar si një aktore të guximshme të lindur në Kosovë që përfaqëson më të mirën e rinisë së vendit.
“Urime Luana Bajrami-Rahmanit dhe të gjithë ekipit që rrodhi pas filmit të shkurtër fitues të çmimit Oscar “Dy Njerëz që Shkëmbejnë Pështymë”, fitues i Çmimit të Akademisë për Filmin më të Mirë të Shkurtër me Aksion. Jemi krenarë për këtë arritje të madhe nga Luana, një aktore e patrembur e lindur në Kosovë, e cila përfaqëson më të mirën e të rinjve tanë: talentin, vendosmërinë dhe besimin për të ndjekur edhe ëndrrat më të guximshme”, ka shkruar Osmani.