Ambasada e Republikës së Kosovës në Austri ka njoftuar se dy shtetas të Kosovës kanë humbur jetën si pasojë e një aksidenti të rëndë në një kantier ndërtimi në kryeqytetin austriak.
Sipas njoftimit të Ambasadës, ngjarja ka ndodhur në distriktin Alsergrund, ku gjatë punimeve ndërtimore një pjesë e konstruksionit është shembur, duke lënë disa punëtorë të bllokuar nën rrënoja, njofton Dukagjini.
Autoritetet austriake kanë konfirmuar se në mesin e viktimave janë edhe dy shtetas të Kosovës: Pajtim Bajrami (1990) dhe Asllan Musliu (1977).
Ambasada e Kosovës në Austri ka shprehur dhimbje të thellë për këtë tragjedi, duke u dërguar ngushëllime familjeve të viktimave dhe të gjithë të prekurve nga rasti.
Po ashtu, bëhet e ditur se ambasada është në komunikim të vazhdueshëm me autoritetet austriake dhe është duke ndjekur nga afër zhvillimet, ndërsa është angazhuar për të ofruar mbështetjen e nevojshme për familjarët e viktimave.
Ambasada, mes tjerash, ka bërë të ditur se do të informojë opinionin publik për çdo zhvillim të ri lidhur me këtë rast.
Dyshohet se katër kosovarë humbën jetën në vendin e punës në Austri