Ka ndërruar jetë edhe e dyshuara për rastin e vrasjes së dyfishtë në fshatin Majac të Podujevës.
Lajmin e ka konfirmuar zëdhënësja e QKUK-së, Mirlinda Qyqalla.
Më parë ishte konfirmuar se 73-vjeçarja e plagosur nga të shtënat kishte vdekur.
Në vendin e ngjarjes është gjetur gjithashtu një person tjetër, i vrarë brenda një veture.
Në komunikatën për media, Prokuroria ka bërë të ditur se në vendin e ngjarjes janë sekuestruar një armë zjarri, disa gëzhoja dhe prova të tjera materiale relevante për hetimet.
Ndërkaq, vetëm gjatë javës që lamë pas janë regjistruar tre viktima të tjera nga të shtënat me armë zjarri, një person në Podujevë, një në Klinë dhe një në Gjakovë.
Prokuroria për vrasjen e dyfishtë në Podujevë: S’dihet ende motivi