Në kuadër të kongresit evropian për obezitetin ECO2026, është themeluar Shoqata Kosovare për Obezitet (SHKO), me kryetare Prof. Dr. Venera Berisha Muharremi.
Lajmi u bë i ditur gjatë Kongresit të 33-të të European Association for the Study of Obesity, ku Kosova po merr pjesë me prezantime shkencore dhe synon të bëhet pjesë zyrtare e rrjetit evropian për studimin e obezitetit.
Sipas Muharremit, synimet e shoqatës janë avancimi shkencor dhe profesional në fushën e obezitetit, përmirësimi i shëndetit publik në Kosovë dhe rrjetëzimi i mjekëve kosovarë me ekspertët evropianë.