Kandidati për deputet nga radhët e PDK-së, Bekim Haxhiu ka bërë thirrje për mbështetje ndaj Partisë Demokratike të Kosovës në zgjedhjet e 7 qershorit.
Haxhiu tha se prioritet kryesor duhet të jetë ndalja e krizës, të cilën ai e cilësoi si të prodhuar nga qeverisja aktuale.
“Pse duhet të votohet Partia Demokratike? E para është se duhet me ndalë këtë krizë ekonomike, sociale, institucionale dhe politike që po prodhohet qëllimshëm nga Lëvizja Vetëvendosje… Me Partinë Demokratike dhe me Bedri Hamzën kryeministër, Kosova do të ndryshojë pozitivisht. Edhe mirëqenia e qytetarëve, e cila është rrënuar shumë, por edhe relacioni i Kosovës me partnerët ndërkombëtarë. Është esenciale që Kosova me këto zgjedhje ta bëjë një hap përpara pas gjashtë viteve hapa prapa të regresit shoqëror dhe shtetëror”, ka thënë Haxhiu.