I fundit u intervistua nga paneli vlerësues i KPK-së, por Zejnullah Gashi doli i pari, me më së shumti pikë.
Kryeprokurori i Prokurorisë Themelore në Prishtinë Zejnullah Gashi morri gjithsej 91.6 pikë.
Para panelit vlerësues i njëjti foli për objektivat kryesore, nëse vjen në pozitën e kryeprokurorit të shtetit.
“Kam kaluar të gjitha fazat nga faza e hetimit deri tek faza e ndjekjes dhe gjykimit e menaxhimit institucional dhe kjo përvojë e imja i ka dhënë kuptim dhe përgjigjes së të kuptuarit të sfidave reale të sistemit prokurorial. Ndërtimin e koncept dokumentit tim e kam bazuar në tri drejtime, përvoja ime profesionale që lidhet me sistemet e drejtësisë, drejtimi i dytë lidhet me përvojen time menaxheriale si kryeprokuror i prokurorisë së Prishtinës, zv kryeprokuror e anëtarë i Këshillit… dhe e treta janë raportet ndërkomëbtare dhe vendore për rritjen e efikasitetit pavarësisë dhe rezultateve konkrete në luftën kundër kriminalitetit”, ka thënë Gashi.
I dyti në listën e vlerësimit ishte prokurori special Atdhe Dema i cili u poentua m 89.3 pikë, që mes tjerash foli edhe për shtysën prapa aplikimit.
“Cka më ka shtyer mua të aplikoj për këtë pozitë tre komponentet të mia janë profesionalizimi integriteti dhe zhvillimi i vazhdueshëm profesional i prokurorit të shtetit dhe një prej komponenteve kryesore që është në këtë koncept dokument është llogaridhënia dhe transparenca”, ka thënë Dema.
Për mbi 40 minuta nga paneli u intervistua kolegu i Demës, Naim Abazi, i cili u rendit i treti me radhë duke marr 89 pikë.
Abazi i cili tha se shpreson që vlerësimi i panelit të jetë i drejtë, foli për sfidën kryesore që ballafaqohet sistemi prokurorial.
“Rend të parë sfida kryesore është cështja e menaxhimit të lëndëve në bazë të raportit të kryeprokurorit të shtetit është se prokurorët ballafaqohen me një numër të madh të lëndëve kanë 500 lëndë, dhe është shqetësuese, duhet të ketë menaxhim efikas dhe cilësor në ndarjen e ketyre lëndëve”, ka thënë Abazi.
Ndërkohë që prokurori Rafet Halimi mori 87 pikë dhe Shqipdon Fazliu 86.3 pikë. Të dy këta paraqitën vizionin e tyre, nëse do ulen në ulësen e kreut të sistemit prokurorial.
“Kam paraqitur edhe disa pika sa i përket prokurorit të shtetit jo vetëm si ndjekës i veprave penale jo vetëm për të ngritur aktakuza mirëpo kam paraqitur edhe të dhëna se si duhet prokurori që të paraqes projektin e tij në parandalimin e veprave penale sidomos te veprat penale kundër të miturve e kundër dhunës në familje”, ka thënë Halimi.
“Duam një prokurori moderne profesionale të pavarur, duam një prokurori që kthen besimin e publikut në drejtësi duam besimin e partnerëve ndërkombëtar”, ka thënë kandidati tjetër, Shqipdon Fazliu.
Intervistat e kandidatëve u publikuan mbrëmjen e së mërkurës, pasi që kishin përfunduar të gjitha.
Kandidatët mund të ankohen për poentimin, ndërkohë që pas përfundimit të fazës së ankesave Këshilli Prokurorial mblidhet për të votuar në mënyrë të fshehtë për emrin e njërit prej 5 kandidatëve që do dërgohet për dekretim tek presidentja.