Prishtina ka zyrtarizuar transferimin e bomberit, Kreshnik Uka.
Golashënuesi i dytë më i mirë i sezonit që lamë pas në Superligën e Kosovës, nga fillimi i edicionit të ardhshëm do të mbrojë ngjyrat bardhekaltër.
Uka ishte huazuar te Drenica në janar të vitit 2021, dhe gjatë atij gjysmë sezoni, ai shënoi gjashtë gola në 14 ndeshje.
Kurse, gjatë edicionit të kaluar, Uka kishte shënuar 19 gola në 26 ndeshje për Drenicën, duke qenë vetëm pas Gerhard Prognit në listën e golashënuesve.
Për skuadrën e Ismet Munishit, Uka ka zhvilluar një fazë të shkurtër përgatitore ku në dy ndeshje miqësore ka gjetur dy herë rrugën e rrjetës.
27-vjeçari është përforcimi i radhës i kryeqytetasve që synojnë të kthehen në maje të futbollit Kosovar pas një sezoni 2021/22 plot ulje ngritje.
Për faqën e Prishtinës në rrjetën sociale, Uka i premtoi Plisave shumë spektakël, gola dhe maksimumin e angazhimit të tij.