Gjykata Themelore në Pejë i ka caktuar masën e paraburgimit prej një muaji të pandehurit E.H., i dyshuar për veprat penale “Vrasje nga pakujdesia” dhe “Mbajtja në pronësi, kontroll ose posedim të paautorizuar të armëve”.
Sipas njoftimit të Gjykatës, vendimi është marrë pas kërkesës së Prokurorisë Themelore në Pejë, e cila më 24 korrik 2026 kishte kërkuar caktimin e masës së paraburgimit.
Rasti ka të bëjë me ngjarjen e ndodhur në fshatin Strellc të Deçanit, ku E.H. dyshohet se aksidentalisht ka privuar nga jeta babanë e tij, Sh.H.
Gjykata bëri të ditur se masa është caktuar në përputhje me dispozitat e Kodit të Procedurës Penale të Republikës së Kosovës. Palët kanë të drejtë ankese ndaj këtij vendimi në Gjykatën e Apelit, përmes Gjykatës Themelore në Pejë.