Një person është arrestuar në Rahovec, pasi dyshohet se së bashku me familjarët e tij ka sulmuar fizikisht zyrtarët policorë gjatë një intervenimi.
Rasti ka ndodhur më 29 korrik 2026, rreth orës 02:55.
Sipas njoftimit të Policisë së Kosovës, i dyshuari mashkull kosovar, së bashku me familjarët e tij, nuk kanë respektuar urdhrat e zyrtarëve policorë dhe më pas i kanë sulmuar fizikisht ata.
“Pas një intervenimi policor, i dyshuari mashkull kosovar së bashku me familjarët e tij, duke mos respektuar urdhrat e zyrtarëve policorë i kanë sulmuar fizikisht zyrtarët policorë”, thuhet në raportin policor.
I dyshuari është arrestuar, ndërsa me vendim të prokurorit është dërguar në mbajtje. Rasti është duke u trajtuar nga organet kompetente.