Një qytetar ka njoftuar Policinë e Kosovës pasi ka hasur në mbetje mortore, të cilat dyshohet se janë të një personi, në një zonë të hapur në Rahovec.
Rasti ka ndodhur më 29 korrik 2026, rreth orës 17:42.
Sipas raportit të Policisë, ankuesi mashkull kosovar ka deklaruar se gjatë ecjes në një fushë të hapur ka vërejtur mbetjet mortore, të cilat dyshohet se janë sjellë aty nga rrjedha e ujit pas reshjeve të fundit atmosferike.
“Ankuesi mashkull kosovar ka njoftuar policinë se derisa ka qenë duke ecur në fushë të hapur ka vërejtur mbetje mortore që dyshohet se janë të njeriut dhe janë sjellë aty nga uji i reshjeve të fundit atmosferike”, thuhet në raportin policor.
Njësitë relevante policore kanë dalë në vendin e ngjarjes dhe kanë bërë tërheqjen e mbetjeve mortore.
Rasti është duke u hetuar nga organet kompetente.