Boksieri shqiptar Arjan Shala do të rikthehet në ring më 1 gusht, ku do të jetë pjesë e eventit të madh të boksit profesionist “Homecoming 2”, që organizohet në Pejë.
Pas një starti të shkëlqyer në karrierën profesioniste, me dy fitore në po aq ndeshje, Shala synon të vazhdojë ecurinë perfekte edhe në përballjen e radhës.
Kundërshtari i tij do të jetë boksieri turk Ahmet Aksu, një emër me më shumë eksperiencë në arenën profesioniste, i cili ka zhvilluar gjashtë ndeshje, duke regjistruar katër fitore.
Dueli pritet të jetë një nga përballjet më interesante të mbrëmjes, me të dy boksierët që synojnë një rezultat pozitiv dhe të konfirmojnë ambiciet e tyre në boksin profesionist.
“Homecoming 2” pritet të mbledhë emra të njohur të boksit dhe të ofrojë një mbrëmje me emocione të forta për tifozët në Pejë.
