Deputetja e zgjedhur nga lista e Lidhjes Demokratike të Kosovës, Vjosa Osmani, ka reaguar pas rikonfirmimit të Lumir Abdixhikut në krye të partisë, duke e cilësuar këtë rezultat si një fitore me domethënie të veçantë.
Përmes një reagimi të shkurtër, Osmani ka shkruar se disa fitore tejkalojnë një rezultat të zakonshëm dhe shndërrohen në burim frymëzimi.
“Jo çdo fitore është e zakonshme. Disa fitore bëhen frymëzim. Kjo është njëra prej tyre!”, ka shkruar Osmani.
Reagimi i Osmanit vjen pas Kuvendit të jashtëzakonshëm të LDK-së, ku Lumir Abdixhiku u rikonfirmua në pozitën e kryetarit, duke i mbijetuar nismës për shkarkimin e tij.
Në këtë proces, Abdixhiku mori mbështetjen e shumicës së delegatëve për të vazhduar drejtimin e partisë, pas debatit të brendshëm të shkaktuar nga rezultati i zgjedhjeve parlamentare të 7 qershorit.