Një grua ka humbur jetën mëngjesin e së hënës, pasi është goditur nga një tren në qytetin e Pejës.
Lajmin e ka konfirmuar për media zëdhënësi i Policisë së Kosovës për Rajonin e Pejës, Fadil Gashi.
Sipas tij, rasti është raportuar në Policinë e Kosovës rreth orës 05:35.
“Rreth orës 05:35 Policia është njoftuar se treni, i cili ishte nisur nga qyteti i Pejës, e ka goditur një grua. Policia ka dalë në vendin e ngjarjes së bashku me autoambulancën, ndërsa mjeku ka konstatuar vdekjen e viktimës në vendin e ngjarjes. Në vendngjarje ndodhen njësitë kompetente policore dhe prokurori i shtetit”, ka deklaruar Gashi.
Policia ka bërë të ditur se rrethanat dhe shkaqet që çuan deri te ky incident janë ende të paqarta dhe po hetohen nga organet kompetente.