Deputeti i Lidhjes Demokratike të Kosovës, Avdullah Hoti, ka kritikuar Lëvizjen Vetëvendosje, duke e akuzuar për përdorimin e zgjedhjeve të jashtëzakonshme si mjet presioni në procesin e formimit të institucioneve.
Hoti ka thënë se LDK-ja ka vullnet për të kontribuar në themelimin e institucioneve të reja, por sipas tij, kjo mund të arrihet vetëm përmes gatishmërisë për kompromis ndërmjet subjekteve politike.
“Sigurisht se LDK-ja ka vullnet të ndihmojë në themelimin e institucioneve. Por kjo duhet dhe mund të bëhet vetëm duke treguar gatishmëri për kompromis. Duke shantazhuar me zgjedhje të jashtëzakonshme nuk arrihet asgjë. Përkundrazi”, ka shkruar Hoti në Facebook.