Një 23-vjeçar, shtetas i Kosovës, është arrestuar në Mykonos të Greqisë, pasi dyshohet se ka përdhunuar një 18-vjeçare.
Sipas CNN grek, denoncimi është bërë nga 18-vjeçarja, e cila ka deklaruar në polici se ngjarja ka ndodhur në një shezlong në një nga lokalet e njohura të plazhit në Mykonos, ku ajo ndodhej së bashku me 23-vjeçarin.
Në dëshminë e saj, e reja ka thënë se kishte konsumuar një sasi të madhe alkooli dhe se, për shkak të gjendjes në të cilën ndodhej, nuk ishte në gjendje të rezistonte.
Ajo ka pretenduar se 23-vjeçari ka përfituar nga gjendja e saj dhe ka kryer marrëdhënie seksuale me të pa pëlqimin e saj.
Pas denoncimit, policia ka arrestuar 23-vjeçarin, ndërsa rasti po hetohet nga autoritetet greke.