Një aeroplan mallrash me tetë persona në bord është rrëzuar pranë qytetit të Kavala në Greqinë veriore, ka thënë brigada e zjarrfikësve dhe televizioni shtetëror i Greqisë.
Në orët e hershme të së shtunës, mediat shtetërore ka bërë të ditur se avioni i cili ishte nisur nga Serbia për në Jordani, ishte pronësi e një kompanie ukrainase.
Sinjali i avionit kishte humbur pas kërkesës së piltotit për të ateruar në mënyrë urgjente ngase ky i fundit, kishte diktuar një problem me motorin e avionit, transmeton “Reuters“.
Brigada e zjarrfikësve nuk mundi të konfirmonte llojin e avionit, por tha se kishte raporte fillestare se tetë persona ishin në bord.
“Në orën 22:45 (19:45 GMT) u befasova nga zhurma e motorit të avionit”, tha për ERT, banori lokal Giorgos Archontopoulos. Dola jashtë dhe pashë motorin në zjarr”.
Sipas disa raporteve të mediave, dëshmitarët okularë dëgjuan gjithashtu shpërthime.
Zyrtarët lokalë thanë se shtatë makina zjarrfikëse ishin vendosur në vendngjarje, por ata nuk mund të afroheshin në vendin e përplasjes për shkak të shpërthimeve të vazhdueshme.
Njësia speciale e reagimit ndaj fatkeqësive të Greqisë po heton gjithashtu vendin e ngjarjes, njoftoi Reuters.
Deri më tani nuk ka pasur asnjë koment publik nga Ukraina, Serbia apo Jordania.