Një e mitur ka rënë nga tarraca e katit të gjashtë të një banese në rrugën “Myrvete Maksutaj” në Pejë.
Rasti është raportuar në Polici rreth orës 00:50, pas së cilës njësitet policore kanë dalë menjëherë në vendin e ngjarjes.
Zëdhënësi i Policisë për Rajonin e Pejës, Driton Rugova, ka bërë të ditur se e mitura fillimisht është dërguar për trajtim në Spitalin Rajonal të Pejës, ndërsa më pas është transferuar në Qendrën Klinike Universitare të Kosovës (QKUK).
Ndërkohë, hetuesit policorë janë duke punuar në hetimin e rastit.