Ministria e Industrisë, Ndërmarrësisë dhe Tregtisë ka bërë të ditur çmimet e derivateve për 48 orët e ardhshme.
Gjersa çmimi i naftës dhe gazit ka mbetur po i njëjti, çmimi i benzinës ka rënë për 4 cent.
Përmes një postimi në Facebook, MINT ka bërë të ditur se çmimi maksimal i lejuar i produktit dizel është 1.74 euro për litër, i benzinës 1.63 euro për litër, ndërsa çmimi i gazit është 0.78 euro për litër.
Çmimet e lartcekura janë valide 48 orë nga data dhe ora e publikimit.
Çmimi i derivateve ka pësuar rritje për shkak të agresionit rus në Ukrainë. Në Kosovë, çmimi i naftës kishte arritur deri në 1.89 euro për litër.